يا جماعه ما حدش بيتكلم عن النيفا رغم انى جربتها سنين وهى عربية محترمة جدا
ما فيش حد عنده نيفا خالص؟
عرض للطباعة
يا جماعه ما حدش بيتكلم عن النيفا رغم انى جربتها سنين وهى عربية محترمة جدا
ما فيش حد عنده نيفا خالص؟
نياااااهاهاها ... نيفا يا راجل يا طيب و محترمه .. دي حته مش راكبه :D .. احنا عندنا نيفا .. عاوز اماره .. هاقولك .. التنك بيشرق كل ما تفول :D اماره تاني ؟ مركب كاوتش نسر 16/600 عليها و عاليه .. اماره تالته .. عيب في الفرامل ورا .. اتقلبت بيها مره للسبب ده .. العربيه سليمه ماتخفش .. انا اللي اتكسسرت بس :D
بص يا مان.ز النيفا حلوه (معلش في الكلمه) لو ابوك مقاول او عنده غيط .. في حالتنا احنا .. ابويا عنده عزبه و عشان كده جايبينها ..
العربيه عباره عن حته حديده .. الموتور مفوت عندي بقاله 4 سنين و ماسيه برضه .. حاطط فيها تابلوه فيات 131 بالقطمه (التابلوه الاسود مش البني .. شكله تحفه .. بس تبعاً عشان عربيه غيط .. التابلوه باظ و اتقشر) ..كراسي تيوتا كروسيدا .. عشان الكراسي بتاعتها مش مريحه .. لغيت ال 4x4 عشان بيكتف العربيه .. عملت كردان عموله و دلوقتي جر خلفي عادي ..
عربيتنا موديل 1982 .. و لونها احمر .. و الشريط اللي في الباب لونه اسود مط
قولنا بقي حكايتك انت مع النيفا :D
ممكن صورة العربية النيفا وصورة التابلوة لو امكن
لاء للاشف مش امكن .. بكل بساطه عشان التكنولوجيا الحديثه لسه ماوصلتش عندنا .. و الموبايل اللي معايا لسه من ايام العصر الحجري (سوني اريكسون تي 290 اي ) بتاع اول عرض فودافون نزل .. بس اول ما الاقي فرصه هاصورالك لو امكن ;)
الكلام اللى انت بتقولة ده معناه ان النيفا ممتازة
صح
والعيب فيك انت مش فيها هيه
انا الوالد كان معاة و احدة و و بيقولى انها من اسؤ العربيات الى جابها فى كل حياتة و الى ساقها :(
بأمانة ياجماعة أنا سيارتى 128 ولكن استخدمت النيفا مرتان لفترات ليست كبيرة لأنها كانت سيارات لشركات عملت بها وهى سيارة غير مريحة ومتعبة جدا لأبعد الحدود وأى سيارة مهما كانت متعبة أكيد أحسن منها .
يا حج ..النيفا فعلاً زي ما قالك فهد كده .. اسواء عربيه اتصنعت في التاريخ
يا Xانا قلتهالك هناك قبل كدة D: لاااااااااااااااااااااااا اااااادااا
عادي بقي يا سمموح .. الراجل بيسال .. بنديله خبراتنا :d :d
يا جماعة العربية دي مش للاستخدام بتاعنا خالص
عايز حالو زي اكسبرت كده مشواير بهدلة او جيش او عربية تسوقها و انتا متغاظ اويي و عايز تمشي من غير و قوووف :]
اه يا :d قصدك ايه يا زله بالكلام ده :d هاها .. لاء الصراحه في دي عندك حق .. هيا عربيه كلابي و بتاعه استخدام شاق بس.. و مش شبابيه بالمره .. و اللي شايفاه معانا ده بقي اقوي من استخدام الجيش ;)
:d
(هوه ليه الايموشنز بتاع الجدع الاخر اللي بيضحك ده مابيطلعش لما تكتب :d ? )
بفكر اشتري نيفا لانها عالية وقوية بس عاوز اعرف قطع الغيار متوفرة ورخيصة ولا؟
You just killed yourself ...
اوعي تشتري نيفا .. ده لو انطبقت السما علي الارض .. ده لو مافيش غيرها تركبها .. خدها مشي احسن ...
اعاده تدويرها خرا .. قطع غيارها خرا ... تمنها خرا برضه .. 2 باب بس .. اعتبر معندكش كنبه ورا ..
شكرا ليك علي ردك اخي الفاضل بس انا عاوز عربية صغيرة وتكون قوية وتستحمل شوراعنا بفكر في 127 او 128 او نيفا
بس هل قطع غيار النيفا غالية ولا رخيصة ؟وارجو الرد
شكرا مرة اخري
ويا ريت لو نبذة عن سعرها
سعرها من 18 - 25 حسب خالتها .. بس خليك في ال128 - 131 - 132 احسن .. النيفا مش للاستخدام الادمي خالص..
بالنسبه لقطع الغيار انا من بره القاهره و مقدرس افيدك في توافرها من عدمه ...
واللة بفكر في 128 او 127 او ريتمو او بولونيزاو نيفا لان معايا15 الف ولو ربنا سهل حيكونو 18 فقط
شورني يا وزير
هات ريتمو احسن .. شرط الحاله
حشوف وربنا يكرم المشكل انهم كلهم 15000
يا شباب اية الكلام في قطع غيار النيفا؟؟؟؟؟؟؟؟؟؟